Sektorun öndə gedən şirkətlərinin adları bir platformada...

Qafqazdakı investorlar ilə üzbəüz görüşmək imkanı...

Dünyanın Ən sürətlə Böyüyən Ölkəsi Azerbaycan!

Sərginin Adı: RecExpo
Sərginin Tarixi: 23-25 Noyabr 2017, Azərbaycan
Sərginin Təşkil Edildiyi Yer: Bakı Ekspo Mərkəzi
Sərginin Haqqında Məlumat : Daşınmaz Əmlak və İnvestesiya

STAND KİTAB

AZƏRBAYCANIN ƏN BÖYÜK DAŞINMAZ ƏMLAK VƏ İNVESTİSİYA TƏDBİRİ-“AZƏRBAYCANIN DAŞINMAZ ƏMLAK VƏ İNVESTİSİYA SƏRGİSİ”

22-24 noyabr 2016-cı il tarixlərində Baku Expo Mərkəzində Azərbaycanın Daşınmaz Əmlak və İnvestisiya Sərgisi müvəffəqiyyətlə təşkil edilmişdir. Sərgi Azərbaycan Respublikası Əmlak Məsələləri Dövlət Komitəsi,Türkiyənin ElanExpoAtılım Fuarcılık şirkətlərinin birgə təşkilatçılığı ilə keçirilmişdir.22 noyabr 2016-cı il tarixində tədbiri açıq elan edən Əmlak Məsələləri Dövlət Komitəsinin sədri cənab Kərəm Həsənov sərginin Azərbaycan ilə yanaşı region iqtisadiyyatı üçün mühüm əhəmiyyətini və daşınmaz əmlak bazarı iştirakçıları arasında əlaqələrin formalaşdırılması baxımından xüsusi rolunu vurğulamışdır.Azərbaycanda fəaliyyət göstərən 12 müxtəlif ölkənin–Türkiyə,Meksika,BƏƏ,Macarıstan,Portuqaliya,İran,Əfqanistan,Misir,Fələstin,Küveyt,Morokko,İordaniya səfirlərinin müşayiəti ilə keçirilən tədbirdə sərgi ictimaiyyət üçün açıq elan edilmişdir.

91 YERLI VƏ BEYNƏLXALQ ŞIRKƏT 152 DAŞINMAZ ƏMLAK LAYIHƏSI ILƏ SƏRGIDƏ IŞTIRAK ETMIŞDIR

 

Müxtəlif ölkələrin investorları və əmlak bazarının iştirakçıları üçün sərgi peşəkar platforma rolunu oynamışdır. Belə ki, sərgi zamanı Azərbaycan, Türkiyə, BƏƏ, Rusiya, Ukrayna, Almaniya, İspaniya, Portuqaliya, Gürcüstan, Macarıstan, Lüksemburq və Kiprdən olan ümumilikdə 152 daşınmaz əmlak layihəsi yerli və beynəlxalq ziyarətçilər üçün təqdim edilmişdir.

 

Sərgi ziyarətçiləri yüksək keyfiyyətli, təkraredilməz arxitekturaya sahib və un uyğun qiymətlərlə satışa çıxarılan əmlaklar barədə məlumatlandırılmışdır. Azərbaycan, Avropa, Orta Şərq və Qafqaz ölkələrinin ən cazibədar əmlak layihələrinin sərgiləndiyi və beynəlxalq nüfuza malik satış agentlərinin yer aldığı sərgi iri investorların, tikinti və daşınmaz əmlak şirkətlərinin nümayəndələrinin son istehlakçılar və dövlət nümayəndələri ilə görüşməsini təmin etmişdir. Qeyd etmək lazımdır ki, 12 fərqli ölkədən olan iştirakçılar öz layihələrini 5400 peşəkar ziyarətçiyə təqdim etmişdilər. Bununla yanaşı sərgidə investisiya fondları, ticarət və ipoteka bankları, lizinq şirkətləri də öz xidmətlərini təqdim etmişdirlər.

 

Sərgidə həmçinin dövlət əmlakının özəlləşdirilməsi, torpaqların vahid elektron kadastr uçotu, müasir informasiya-kommunikasiya texnologiyaları sayəsində əmlak, ünvan, torpaq reyestri sahəsində yaradılmış sistemlər, elektron xidmətlər, proqram təminatları və digər yeniliklər nümayiş olunmuşdur. Sərgidə iştirak edən yerli və xarici təmsilçilər özəlləşdirmə prosesi, yaradılmış investisiya mühiti, torpaqların elektron uçotu və vahid dövlət kadastrı, daşınmaz əmlakın dövlət reyestri sahəsində innovasiyalar, əmlak xidmətləri üzrə elektron və onlayn imkanlar, ünvan-naviqasiya sistemi və digər iri layihələr barədə əyani məlumat almışdılar.

 

AZƏRBAYCAN RESPUBLIKASININ PREZIDENTI SƏRGINI ZIYARƏT ETMIŞDIR

Sərginin ikinci günü Azərbaycan Respublikasının Prezidenti cənab İlham Əliyev və ölkənin birinci xanımı Mehriban Əliyeva sərgini ziyarət etmişdir. Azərbaycanın Daşınmaz Əmlak və İnvestisiya Sərgisində nümayiş etdirilən beynəlxalq və yerli layihələr, həmçinin sərgi iştirakçıları barədə Azərbaycan Respublikasının Prezidentinə məlumat verilmiş, sərginin ölkəyə investisiyaların cəlb edilməsi, özəlləşdirmənin sürətləndirilməsi və daşınmaz əmlak bazarının canlandırılması baxımından mühüm əhəmiyyəti qeyd edilmişdir. Sərgidə təqdim edilən layihələrlə ətraflı tanış olan Prezident İlham Əliyev və xanımı Mehriban Əliyeva tədbir iştirakçılarına və sərginin təşkilatçılara gələcək fəaliyyətlərində uğurlar arzulamışdır.  

 

"DAŞINMAZ ƏMLAK, ÖZƏLLƏŞDIRMƏ VƏ INVESTISIYA KONFRANSI” TƏŞKIL EDILMIŞDIR

Sərgi çərçivəsində həmçinin Əmlak Məsələləri Dövlət Komitəsinin təşkilatçılığı ilə "Daşınmaz əmlak, özəlləşdirmə və investisiya konfransı” keçirilmişdir. Konfransda Azərbaycanın son dövrlərdə həyata keçirdiyi yeni iqtisadi islahatlar, onların ölkə iqtisadiyyatına təsiri, ölkədə xarici investorların fəaliyyəti üçün yaradılmış sosial-iqtisadi mühit, həmçinin xarici investisiyaların dövlət zəmanəti ilə qorunması kimi aktual mövzular barədə təqdimatlarla çıxış edilmişdir.

 

Konfransın məruzəçiləri olaraq aşağıdakı şəxslər çıxış etmişlər:

  • Əmlak Məsələləri Dövlət Komitəsinin sədr müavini cənab Rafiq Cəlilov
  • İqtisadiyyat Nazirliyinin İqtisadi və sosial sahələrin inkişafı şöbəsinin müdiri cənab Cəmaləddin Quliyev
  • Vergilər Nazirliyinin Vergi siyasəti və strateji araşdırmalar baş idarəsinin rəisi baş vergi xidməti müşaviri Samirə Musayeva 
  • Dövlət Gömrük Komitəsinin Fəaliyyətin qiymətləndirilməsi və inkişaf proqramları baş idarəsinin rəisi, gömrük xidməti general mayoru, texnika elmləri doktoru, professor İqbal Babayev
  • Azərbaycan Banklar Assosiasiyasının (ABA) prezidenti, “Rabitəbank” ASC-nin Müşahidə Şurasının sədri cənab Zakir Nuriyev

Vergi, gömrük və digər qanunvericilik sahəsində investorları maraqlandıran suallar aidiyyəti üzrə cavablandırılmışdır.


SƏRGI MƏTBUATIN DIQQƏTINI CƏLB ETMIŞDIR

Türkiyə, Azərbaycan və digər ölkələrin ən nüfuzlu mətbuat və media institutları Azərbaycanda təşkil edilən bu sərgiyə xüsusi önəm vermişdilər. Sərgidə iştirak edən şirkətlər, həmçinin onun ziyarətçiləri haqqında müxtəlif məlumatlar mütəmadi olaraq KİV vasitələrində dərc edilmiş, AzTV, ATV, TRT, Space, İctimai TV, Ses tv, Sabah, Haber Türk, Star kimi televiziya kanallarında yayınlanmışdır.



SƏRGININ TƏŞKILI ƏNƏNƏVI XARAKTER ALMIŞDIR

Ötən il müvəffəqiyyətlə təşkil edilən sərginin davamı olaraq bu il 23-25 noyabr tarixlərində Baku Expo Mərkəzində eyni adlı sərginin keçirilməsi planlaşdırılır. Ölkə iqtisadiyyatında həyata keçirilən uğurlu islahatların nəticəsini və bir çox sahələr kimi daşınmaz əmlak bazarının yerli və xarici investorlar üçün cəlbediciliyini nəzərə alaraq   bu il keçiriləcək sərgidə daha çox investor və iş adamının iştirak edəcəyi gözlənilir.

 

 

PARTNYORLAR
DƏSTƏKÇILƏRIMIZ
XƏBƏRLƏR

E-BÜLTENIMIZƏ ABUNƏ OLUN

Sərgimizlə bağlı daha ətraflı məlumat əldə etmək üçün  email ünvanınızı bizimlə paylaşın.